Vefsíða um Jóhannes úr Kötlum varð fyrst til vegna aldarafmælis skáldsins árið 1999. Hana má enn nálgast gegnum vefbókasafnið. Afkomendur Jóhannesar ákváðu síðan að skapa fastan stað fyrir skáldið hér á léninu johannes.is og standa að alhliða gagnagrunni og upplýsingaveitu um ævi og skáldskap hans.
Hér mun því sífellt bætast við fróðleikur af ýmsu tagi og í ýmsum myndum – fyrir nemendur, fræðimenn og aðra er áhuga hafa á verkum hans.
Ef einhver telur sig luma á efni sem eigi erindi á vefinn er um að gera að nýta sér tengilinn Hafa samband hér að ofan.